تمنيت

تمنيت نحكي حكايتي للريح… ونغنيها..
تمنيت حاجة القلب متمنيها..
ونسيتها كي فارقتني عيونك…
تمنيت فرحة فقدتها من دونك…
تمنيت…لكن……..متت مستنيها….

ــــــــــــــــــــــــ
تمنيت نحكي حكايتي للموج ويوصّلها…
تمنيت ضحكة الحزن ما يحصّلها..
تمنيت يحلا العمر بعد مواجعه
تمنيت دمعة فرح وانت راجعة
بدموع عيني كفوفك نحنّيها
تمنيت…لكن……..متت مستنيها….
ــــــــــــــــــــــــــــ
تمنيت نحكي حكايتي للغيم…ما يحكيها..
تمنيت حب العين ما يبكّيها
تمنيت لحظة فرح للمجروح
تمنيت ضمة حضن تشفي الروح
تمنّيت روحي بقربك تهنّيها
تمنيت…لكن……..متت مستنيها….
ــــــــــــــــــــــــــــــ
تمنيت نحكي حياتي لليل…ونفسّرها
تمنيت فرحة الدهر ما يكسّرها
تمنيت صغري…وضحكتي…وسنيني
تمنيت قلبك يوم متمنّيني…
تمنيت كلمة حب …تتمنّيها
تمنيت…لكن……..متت ….مستنيها….
ــــــــــــــــــــــــ
تمنيت نحكي حكايتي للريح… ونغنيها..
تمنيت حاجة القلب متمنيها..
ونسيتها كي فارقتني عيونك…
تمنيت فرحة فقدتها من دونك…
تمنيت…لكن……..متت مستنيها….

ــــــــــــــــــــــــــ
العاصمة
‏31‏/12‏/2011‏ 11:50:55 م