تونس يا بلادي الولاّدة
< 1 دقيقة للقراءة
قصيدة في عشق وطني ارتجلها قلبي بجوار عاشق لوطنه جمع حوله عشاق بلاده في ملاحم وبطولات يشهد لها التاريخ وتشهد لها الأرض والسماء والدنيا والآخرة.
هنا بجوار شيخ المجاهدين اسد الصحراء عمر المختار، يحلو لروحي أن تترنم بحب تونس بلسان يعانق باديتها ويعشق أرضها ويتغنى بصالحيها وصالحاتها ومجاهديها وأبطالها.
هدية بصوتي لعشاق الوطن.
تونس يا بلادي الولاّدة
بلاد السادة
رجال ليهم في الخير زيادة
تونس يا بلادي النوّارة
وليك أمارة
بلاد الفرسان النغّارة
ليافزعو في يوم الغارة
ليهم رادة
وبارود يكثّح بزناده
تونس يا بلادي يا حرّة
اللطف وسرّه
الي يخون الصلاح تضره
الخمسة اللي لحقوا بالجُرة
على الرصّادة
الدغباجي عيونه صهّادة
تونس يا بلادي يا سمرا
مثيل القمرا
ليك العاشق سلّم أمره
يا بلاد الفرسان الحمرا
صبرا وحمادة
محرز وتليل مع اولاده
تونس يا بلادي يا فلّة
طب العلة
يا حبي والعمر بكلّه
فيك رجال تسبّح لله
على السجّادة
فلعدى مناجلهم حصّادة
تونس يا بلادي يا زينة
القلب وعينه
وحبي وأيامه وسنينه
لا تذلي ولا نراك حزينة
انت يا دادة
هايم في سرك واوراده
تونس يا بلادي يا بيّة
بلاد منوبيّة
حرة نغّارة عربيّة
انت الي عرفتي ما بيّ
علي نشّادة
حبك بعد الله عبادة
تونس يا بلادي يا خضرا
بلاد الحضرا
الدنيا فاسرارك منتظرة
منك نترقب في نظرة
يا ودّادة
والعاشق ما يطيق وسادة
تونس يا بلادي يا روحي
بسرك بوحي
يا طب أوجاعي وجروحي
أنا شريف بصدقي ووضوحي
شموخي عادة
سيّد بين أسياد وقادة
تونس يا بلادي الولاّدة
بلاد السادة
رجال ليهم في الخير زيادة
بنغازي ليبيا
الجمعة 30 جويلية 2021
منتصف النهار
#عاشق_تونسي