سعد الي زارك
< 1 دقيقة للقراءة
يا مكة سعد الي زارك
لبى وتنعّم بأنوارك
سعد الي زار
لبّى وصلّى على المختار
ينجى من النار
ربي ينفعنا باسرارك
سعد الي لبّى
طاف بالكعبة المولى حبّه
يرضّي في ربّه
يا ربي نا جيت لدارك
سعد الي ترجّى
طاف ولبّى في ذي الحجّة
كتبتله الحجّة
هو يسعى والله يبارك
سعد الي يزورك
يسعى ويتنعّم بنورك
يصعد عل طورك
ويبوس ترابك واحجارك
سعد الي يلفى
بايت يذكر في مزدلفة
في يوم الملفى
يكون اسمه في صحيح أخبارك
سعد لدنا
حج وخيّم في مِنى
نال المنى
وضحّى فيوم النحر وشارك
سعد الي قام
للمولى وصلى وصام
ومسك الختام
استغفر للذنب تدارك
سعد المقبول
الي تنعّم زار الرسول
نال القبول
يا سيدي ما تخيب جارك
27 جوان 2023
يوم عرفة
