تطويح
< 1 دقيقة للقراءة
شعر تونسي ملحون
يا غصن على أكتافي يميح
وخشوعي حال التسبيح
يا رعشة قلبي كي يعشق
ويهيم مع الغيم يسيح
يا روحي وقت لتتوجع
كالطفلة تبكي وتصيح
انا مكتف بحبال القدرة
ومعلق بحبال الريح
مرة نرحل مرة نرجع
مرة نوقف مرة نطيح
لاني حي ولاني ميت
والموت مع العشق مليح
نعرف انك فيا غيمة
وديما نعطش ريقي يشيح
ونشوفك في ظلام الدنيا
نار تسرج ضو مصابيح
ونحسك ما بين ضلوعي
ونفهم من همس التلميح
ونرجع نتوجع من حبك
ونحبك ونشد صحيح
ونتنهد تنهيد الموجة
تعبت من طول التطويح
سهلول سوسة
31 جانفي 2024