أغنية لبنان

غني غني لجبلنا

وغني لبيروت

نحنا بعزك يا وطنّا

نعمّر لبيوت

*****

غني للجبل العالي

وغني للبنان

للأرز الحلو الغالي

وبلد الفرسان

ويا اللي بتسألني مالي

قلبي عشقان

لبنان ترابه جنة

وأرضه ياقوت

****

غني لزغرتا وكورة

وضنية وبترون

ولطرابلس المشهورة

وعيتا ومارون[1]

النبطية والناقورة

وصور وصيدون[2]

وللضيعة لفيها سكنّا

ولكبوش التوت[3]

*****

غني للبنان الصامد

رغم الآلام

وبيروت العز تجاهد

ظلم الأيام

ويا بلد الأرز الشاهد

شعبك ما ينام

يسهر لا ترضى عنّا

ولجراحك صوتْ

******

عتابة

انا لبنان والعالي جبلنا

وإله الكون بالعزة جبلنا

ومهما الدهر من لوعة جاب إلنا

لبسنا الصبر من فوق الثياب

*******

أنا لبنان والعالم شهد لي

والعلقم المر بالعزة شهد لي

وكم من فتى في حبي شهيد لي

وهبني الروح ليحمي التراب

سوسة 05 سبتمبر 2020 22:40

[1]  مارون نقصد مارون الراس قرب فلسطين وأيضا جبل لبنان وفيه المارونيين.

[2] صيدون الاسم الفينيقي لصيدا، وفي المقطع ذكر لمدن لبنانية من كل الأقاليم.

[3] الضيعة وكبوش التوت اشارة لأغنية صباح: جينا نبيع كبوش التوت..ضيعنا القلب ببيروت