سمّيت باسم الله

سميت باسم الله من سوّانا
لفضله على المخلوق ماهو قليل
وصليّت ع الهادي بهداه هدانا
وقلبي لأبو إبراهيم ديما يميل
أنا خزايني بهيل المدد مليانة
يجيني الفزع حاضر بلا تعطيل
ندّون حروف الشوق في ديوانه
لصلاّح ركبو على ظهور الخيلْ
وكل قطب متريّس على ديوانه
فراسين تفزع في عقاب الليلْ
وكل غوث متقوي قوي برهانه
والأبدال ليهم سر م التنزيل
وجلّول جاني بهيبته وسلطانه
معاه الرفاعي وشيخ بر النيل
الغوث الدسوقي والقناوي جانا
والبدوي العطّاب وافي الكيل
المرسي أبو العبّاس ما خلاّنا
والسيّد الدردير سيد الجيل
وللشاذلي ناديت يا بابانا
راهو الشقا والضيم هد الحيل
ولسمر رجيت ومهجتي عطشانة
غيثوا بمدد يا عادلين الميل
وفزّعت من وهران لتلمسانة
والشيخ بومدين ودمعي يسيل
يا أهل المدد وأهل الفزع فرسانه
شيلو عليْ حمل لعليَّ ثقيل
وفزَّعت من مكناس من يصغانا
فحل الرجال يحن ع القِلّيلْ
وسمعت من تونس خبر زهّانا
من بن عروس ونزرته تزلزيل
وفزّعت محرز غمني طوفانه
وناديت ع الباجي قداه نميل
وللسيدة ندّهت يا للّانا
وبيّة الساحل للهموم تشيل
والشيخ بوراوي بكفه سقانا
وعبد الحميد يدير لي تسهيل
وماشي لعلي غزوز في زغوانه
وبوزيد لنقر غمني بالسيل
وبن عون لشهب خزنته مليانة
وجي بالفزع والعون سيدي تليل
وصلاّح في قابس وفي كتّانة
والحمارنة صناديد ورجاجيل
علي بن عبيد بطَلِّته زهّانا
ومخلوف مولى الجاه والتبجيل
وشبحت بوجليدة ركب حصانه
وقال الفزع ما هوش قال وقيل
شوف فزعة الصلاّح من تالانا
وبرهاننا لا كذب لا تدجيل
وناديت مادي ورفقته واخوانه
رجال التِّوَيْ ديرو علينا جميل
وصلاح بر الشام قالوا نسانا
ونسمع صهيل الخيل فوق صهيل
رسلان يا مولى المدد واركانه
والشيخ محي الدين ماهو بخيل
وشيخي عقيل المنبجي بكّانا
على الشام يبكي بدمع طول الليل
وساعة فرج يا سيِّدي ترجانا
وما هو البلا ليه حكمة التبديل
وشور اليمن شفت الشقا باعيانه
وشفت الوجع نيران وتقنبيل
يا أهل اليمن صلاح ديما معانا
وأويس ما ثماش ليه مثيل
ني سألت ربي يحن عل بلوانا
يجينا الفرج عاجل بلا تأجيل
ويسمع دعانا يغيثنا فشكوانا
بجاه الحبيب لكلمه جبريل
مثيل اليتامى كابيين حزانى
والتايهين الما لقوش دليل
الله يا رحمان يا مولانا
سبحان من يهدي لخير سبيل
همي كثر وصعب في عدّانه
وقلبي انكمد ينوح طول الليل
بجاه جاه من نزّل عليه قرآنه
ورفع شانه وعلمه التأويل
وجاه فاطمة وجاه حيدرة بابانا
ليث الوغى عز من ركب الخيل
وجاه الحسن السبط عالي شانه
وجعفر وحمزة ال ليه باع طويل
وجاه الحسين لضمني باحضانه
وجاه آل بيت المصطفى بتفصيل
وجاه كل من عَزّه العلي سبحانه
وجاه الجمال وسر كل جميل
أنا سيد م الأشراف ليه مكانة
لاني ذليل ولا نطيق ذليل
وشارب خمور الحب في كيسانه
ومن صغرتي رايس فبحر الهيل

سوسة
02‏/10‏/2015‏ 01:12:52 م