عندي

عندي
عيون تبكي
وقلب يحكي
وحمامة
وعندي منامة
شفتك فيها
وشفت لقيتك فوق غمامة
وكنت قطرة فوسط المطرة
وكنت البرق ليرمي سهامه
ووقت اللي نزلت من الغيمة
جريت على خدود الوردات
ومشيت في ثنايا قديمة
وحييت العطر اللي مات
وانا كنت الريح قوية
قوية تلعب ع الاغصان
وكنت العين لتبكي علي
وكنت الوردة في البستان
وكي لمنامة طالت بي
لحظة تعدت في عينيّ
وقلبي اللي حبك يا بنية
حب الحب وحب احلامه
عندي عيونك تسكن في
وعندي الشعر لحلو كلامه
وانت حمامة طارت فوق
وانت غمامة حب وشوق
وانا اللي يغني على عيونك
يغني على حبك وايامه
مجنونك..ديما مجنونك
ذبت فحبك ياما وياما
****

عندي
وماعنديش غيرك
عندي الصدق لوسط ضميرك
عندك شمسك..عندي عبيرك
عندي حبك..عندي خيرك
عندي…يا كنزي يا غالي
شكون عندي…غيرك…في بالي

تونس العاصمة
15-9-2011