غريبة الحياة

غريبة الحياة فظُلمها
فساعة شروق أحلامها
ولحظة نهاية حلمها
غريبة الحياة بكُلّها
في شمسها..وفي ظُلّها…
وتصريفها وأحكامها
وانت وأنا خيطين بين كفوفها
خطين وسط ظروفها
وأيامها
جمعت بعيد خيوطنا
وكتبت جميع خطوطنا
وكي فرقتا مزقتنا بغلها
رمتنا فصحاري بعدها
بعد لهدتنا فُلّها
وسبلت علينا ظلامها
…..
غريبة الحيا يا حبيبتي..وطبيبتي..
وقت الـ جراحي نازفة
ويا عازفة على أوتار قلبي وعازفة
على أوجاع عمري…لطايلين أعوامها
غريبة الحيا…وانت غريبة فغربتي
وانا الغريب لما فهم كلامها
قالت تموت وحيد موتك بُعدها
ولاّ تعيش غريب تنزف بَعدها
وكِتبِت عليّ آلامها
…….
غريبة الحيا في شرها وفي خيرها
وقت الـ تصون عشيرها
ووقت الـ يموت ضميرها
ويتوه قلب الحي وسط أوهامها
واليوم وانت مفارقة
حسيت روحي كـالسفينة الغارقة
والموج غطى أعلامها
ولكن برغم غريبها
مزلت نفكر طيبها
ونقول مهما يصير من تعطيبها
وتعذيبها
ومهما تخون حبيبها
ومهما تظهّر عيبها
والهم والأحزان من خدامها
لازم برغم الليل رغم الويل رغم أسقامها
ورد الأمل يسقيه يوم غمامها
ومهما يطول نحيبها
وتغريبها
أيام الشقا نشوف الفرح قدامها

العاصمة
‏16‏-09‏-2011‏ منتهى الليل