نغير عليك
< 1 دقيقة للقراءة
نغير عليكْ
من النسمة لتلمس خُدّيكْ
من الريح اللي تداعب شعرك
و القمرة كي تُخزر ليكْ
من عيون الناس اللي تشوفك
والقلب اللي يفرح بيكْ
من الارض اللي تمشي عليها
و أي جاحة تلمسها يديكْ
من الدار اللي تسكن فيها
والروح اللي تسكن فيكْ
من الروبة اللي تحفل بيها
ولِمراية اللي تحفل بيكْ
من أي غناية تغنّيها
ومن أي لسان يناديكْ
نغير من الدنيا وما فيها
نغير على السحر فعينيكْ
غيرة لاشي يطفيها
تقتلني…ونموت عليكْ
****
من العصفور الـ غنى غناية
وطار ورفرف بالجنحينْ
وكي تمشي في طريق معايا
نغير من خطاوي الرجلينْ
نغير من الشمس الضواية
نغير من الناس الماشينْ
نغير مني وانت بحذايا
نغير منك واحنا بعيدينْ
2012